【Now財經台】易鑫集團(02858)去年按年多賺逾11倍至3.7億人仔，派末期連特別息3.25港仙，喺上市以來首次，依家兩大股東騰訊控股(00700)及京東集團(02618)，分別持股54%及16%，估計可以收息1.1億及3300萬元，雖然易鑫之前冇發盈喜，但股價今日表現相對冷靜，到底係咩原因？
南華金融集團高級分析師莫灝楠指，以前好多公司唔鍾意派息，燒錢係一個賣點，例如喺marketing或sale費用上燒1元，可能會返到2至3元，甚至更多，不過，依家監管環境及內地經濟環境唔容許做呢件事，需要透過市場營銷去宣傳，令市場知道可以經呢個汽車網上交易平台，交易車輛及借錢買車。
佢又話，易鑫有閒錢派息，反映公司有錢賺，現金流亦做得唔錯，雖然今次派特別息，對股價唔會有好大提振作用，但對公司嚟講係一個健康發展。
