【財經TOP SEARCH】領展長揸「一動不如一靜」

【Now財經台】截至早上11時止，1小時內《彭博》用戶關注度上升最多的港股，依次為領展房產基金(00823)、比亞迪股份(01211)、騰訊控股(00700)、美團(03690)及國泰航空(00293)。

領展供股權今日開始買賣，交易期至下周四，但股價今日跌至3個月低位，不斷逼近供股價，小股東到底供唔供得過？

椽盛資本投資總監曾永堅指，領展股價近期受美國加息預期升温影響而受壓，而突如其來嘅供股行動，亦打亂長線股資者嘅整體部署，觸發來自長線投資者嘅沽售壓力。

Jasper又話，領展今次供股目的係可以理解，因領展過往倚賴收購合併作為增長動力，但公司財務狀況已去到接近融資能力底線。佢提醒，領展股價短線將反覆受壓，甚至可能跌至接近供股價44元水平。

Jasper建議，長線持有嘅散戶「一動不如一靜」，可以做長線額外供股部署，如果冇貨嘅投資者，宜先觀望。