【槓桿致勝】資金持續流入騰訊牛熊證

【Now財經台】騰訊控股(00700)今日會出業績，股價今朝造好，多唔多投資者近日已預先做好部署？今朝成交活躍嘅CALL輪都係較短身，6月至8月到期，槓桿6倍至9倍，同距離收回價10%嘅牛證槓桿差唔多，如果想部署業績，呢類條款嘅CALL係咪值得考慮？

瑞銀亞洲股票衍生產品銷售部李梓維指，上述提及嘅騰訊CALL輪條款，其實一向都幾受歡迎，但如果用嚟做業績部署，佢認為牛熊證比較可取，因為業績後可能會出現回調，如果睇返騰訊CALL、PUT輪近日資金流，都係日出日入咁，但牛證過去兩周都以流入為主。