【Now財經台】東方甄選(01797)急升，今早高開近4%後高位見26.5元曾升15%，成交股數較過去100日同時段平均增加接近1倍。
東方甄選轉型電商以嚟走勢幾強勢，抖音數據平台「新抖」數據顯示，東方甄選4月抖音直播帶貨榜繼續排第一，連續第4個月蟬聯冠軍，銷售額達3.91億元人民幣。
東方甄選直播及銷售理想，不過股價於1月見過今年高位75元後走勢回軟，截至上日連跌到第4個月，高位累跌70%，長時間喺10天線以下徘徊。今日借消息反彈，收復10天線、20天線，要睇睇有冇機會做到短線反彈。
不過，東方甄選股價積弱已久，唔可以有太大期望，建議下一步先睇住50天線，即30元左右。
