【Now財經台】雖然港股今日顯著下跌，但中電控股(00002)股價今日大幅抽升，主要係摩根士丹利及摩根大通都估計，去年勁蝕嘅澳洲業務今年有望轉賺，派息有望加碼，由於息率及估值吸引，大細摩都上調中電評級至「增持」。大行睇好中電澳洲營運改善，主要受惠於煤價跌，但其實煤價都回落咗一段時間，點解大行依家先上調評級？
英皇資本財富管理方案研究總監陳錦興指，由於中電澳洲業務有機會顯著復甦，大行就送上「祝福」，加上公用股近排受追捧，令中電股價強勢，過往中電一直受海外業務問題拖累，依家澳洲業務有轉機，一定對業績有幫助。
Stanley又話，中電舊年派息已經唔錯，今年澳洲業務有望復甦，市場對今年業績及派息自然有憧憬。
