【Now財經台】人工智能(AI)概念已經喺美股炒咗幾個月，最新投資趨勢仲係咪AI獨大？依家先追入會唔會太遲？
黃國英資產管理董事黃國英指出，依家AI概念股中，除咗最強勢嘅Adobe及英偉達(Nvidia)，即使係龍頭如微軟(Microsoft)及超微半導體(AMD)，現價同頂部仲相差好遠，反映市場對AI概念嘅熱情逐漸冷卻。
Alex認為，依家可以考慮繼續增持各行業龍頭，並指傳統經濟股如萬事達(Mastercard)、Visa近期強勢，相信投資主題會由AI研發逐漸轉至應用層面，而大型企業有能力應用AI技術擴張業務，加上財務管理較健全，喺高息環境持續下，生存空間更大。
Alex又公開旗下基金嘅主要持股，美股方面，體育用品股以Adidas嘅倉位最大。佢表示，Adidas具復甦概念，因為前幾年品牌著重開拓時裝路線，反而拖累業績及股價，而基金亦博緊球星美斯同Adidas合作，將會喺美國帶動足球熱潮，利好集團生意。
此外，安踏體育(02020)亦係基金5大持股之一，Alex認為，安踏係在港上市嘅消費股中嘅最佳選擇，又話集團收購嘅品牌表現唔錯，尤其係擁有Salomon、始祖鳥(Arc’teryx)等品牌嘅Amer Sports，認為安踏可透過其銷售網絡，協助上述品牌進一步拓展國內市場，相信Amer嘅業務價值仍未完全反映。
另一方面，Alex嘅基金仲有重倉Nvidia及芝加哥期權交易所全球市場(CBOE)，原因係…
