【Now財經台】軟銀集團(SoftBank Group)旗下英國晶片設計公司Arm噚晚喺美國納斯達克交易所首日掛牌，以高招股價近25%收市，報63.59美元。
博威環球資產管理金融首席分析師聶振邦認為，Arm首掛升得咁勁，炒作氣氛濃厚，暫時唔適宜用基本面衡量股價，並指公司市帳率(PB)已升至15倍，高於10倍以下嘅健康水平，預期股份炒多一兩日或會出現較大回套壓力。
聶Sir續指，雖然AI概念股喺港股冇乜鑊氣，但認為Arm在美上市嘅消息會稍微利好半導體股，例如中芯國際(00981)，借消息同芯片需求上升，短期可能由現價約20元，升返到去21.5至22港元附近。
