【now.com財經】噚日一遍紅海中見到喺Watch List嘅中移(00941)出綠洲，兼夾日線圖上見佢上破咗「雙底」頸線，心動得等即刻揀咗隻中移牛(54482)出嚟，等五分鐘圖見Slow STC(14,3)回落落到超賣水平時出場。
睇返中移走勢，噚日見住佢一條氣直上68元樓上未回過，真係等到人都炆。終於等到3點，Slow STC(14,3)兩線回落返去超賣位，仲見個位嚴重嘅嚴重超賣水平，情況仲一直至收市為止，換言之(54482)係有成個鐘頭時間比你去入貨，但留意返呢個時間去買貨嘅話係要預咗過夜，所以注碼上就要留意一下啦。
按(54482)由噚日3點至4點Slow STC(14,3)處超賣水平出場的話，期內高低位做過0.045元/0.041元計，平均買入價為0.043元。
今朝指數開跌77點，開市報17,587點，呢口價其實同一個月前，即8月21日同22日嘅低位17,587/17,573點非常接近，日線圖上底線拉出，但問題係今日開市價其實已經將牛證第一層街貨全數掃清之餘，仲踩咗入牛證第二層17,500至17,599點嘅重貨區，呢度講緊有相當於1,565張期指。
本以為指數會向下再衝落去殺埋呢堆重牛，事關見開街貨 VS 技術分析嘅時侯，有八成機會都係街貨贏架嘛；估唔到今日就係嗰兩成機率出現，指數低開稍低走後即見倒升，依家10點29分，作戰室戰友追完好倉見指數上返差唔多近17,800點後，指數依家升102點，報17,757點，喺呢個位抖一抖時，戰友們亦都趁機飲啖水。最正嘅係，當成個個股報價List一片綠洲時，又見到得隻中移係出紅海，隻嘢依家跌0.37%，報67.8元。
五分鐘上見中移今朝開市首五分鐘見「極大陽燭」後向下回落，至依家10點33分，調整過後股價同Slow STC(14,3)兩線同步上行中，蓋保歷加通道目前平衡中，過到中軸有望再見頂線；明白到中間仲有好多平平均線阻頭阻勢，唯有叫佢努力啲啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
