【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、快手(01024)、新世界發展(00017)、碧桂園(02007)及比亞迪股份(01211)。
騰訊股價今朝由300元水平升上310元，快手連跌4日後，今朝再升逾5%，但外圍科技股向下，點解港股嘅科技股照升？
大華繼顯執行董事梁偉源表示，美國議息結果重挫美國科技股，不過，由於恒生指數及科技指數已回落至接近今年低位，加上9月以來內地每個周末都推出刺激經濟嘅措施，相信唔少投資者博今個周末又出招，相信港股及A股會齊齊造好，所以部分資金冚返科技股淡倉，令科技股出現反彈。
