【Now財經台】截至早上11時止，1小時內《彭博》用戶關注度上升最多首5隻港股，依次為碧桂園(02007)、騰訊控股(00700)、百度集團(09888)、阿里巴巴(09988)、贛鋒鋰業(01772)。
碧桂園有一筆境外債嘅利息早一兩日到期，集團指預期無法償還，昨日(19日)再傳出債權人尋求同公司就潛在債務重組進行緊急談判。
雖然一切未有定案，但碧桂園今朝可以逆市大升，半日曾抽升15%，高見0.82元，加上近日股價尚算硬淨，守到0.7元水平，亦有大成交配合。不過，大華繼顯執行董事梁偉源認為，呢輪反彈只係有短線資金見內房股跌得好殘而抄底，又話冇咩消息支持股價後市繼續升。
Steven指出，境外債權人預咗違約，依家總算見到碧桂園有望債務重組，下一步或可以進行估值折扣(haircut)或商討換股安排。
