我的股票

    名稱 現價 升跌

    資料報價延遲十五分鐘

    【專家分析】攜程明年表現值得憧憬

    【分析】 2023/11/21 16:46

    【Now財經台】攜程集團(09961)今日(21日)開市前出咗第3季業績,純利大升逾16倍,收入亦大增近1倍,經調整EBITDA大升逾2.2倍,攜程業績絕對交到貨,不過,股價股價僅早段升過一浸,之後掉頭向下,午後跌幅不斷擴大,如果想買貨,應該喺咩價位入手?

    華盛證券財富管理部董事李偉傑指,攜程業績表現理想,其中,出遊業務增長逾1倍,佢又話,集團業務表現值得憧憬,隨著大環境復甦,唔單止內地居民,亦希望吸引外國遊客到內地旅遊及消費,成為未來增長動力,佢估計,攜程明年營運表現仍然理想。

    股價方面,Jason認為,攜程股價回套係合理,因為唔少業績股都有呢個情況,今日落返270元水平呢個橫行區,即10天、20天及50天線匯聚嘅水平,相信呢個位會有一定承接力,亦可以守得比較穩。

    李偉傑
    獨立股評人
    想睇更多財經消息

    相關股票