【Now財經台】近日有唔少外地媒體報道，指港股市值就快被印度股市爬頭，為咗刺激港股流動性，政府早前成立專責小組，並下調股票印花稅，但港股仍未有起色，上月中減印花稅後，港交所(00388)股價至今累跌15%，大幅跑輸大市，今日更一度插穿250元，點解港交所走勢咁差？
艾德金融聯席董事陳政深指，港交所係跟住大市跌，內地及香港經濟前景唔明朗，資金取態愈來愈審慎，甚至有資金選擇撤離港股，喺呢個環境下，港交所無可避免要捱一段時間。佢又話，政府前年上調印花稅，雖然近期減返，但仍會對市場及投資者造成一定影響。
Ryan續指，唔使太擔心印度股市市值超越香港，印度始終係新興市場，股份市值持續增加係合理，反而交投量、流通性及集資金額等先係關鍵。
