【Now財經台】領展房產基金(00823)股價今日跟隨大市向上，一度高見42.3元，升上逾4個月高位，領展股價暫時已連升第6日，14天RSI亦升至69，接近超買水平，係咪都有一定風險，好友食糊未？
星展財資市場部上市產品主管周國威指，雖然呢兩日急升，但如果睇返長少少時間，其實仍處於一個長期低位，之前喺38元水平有唔少資金買咗領展CALL輪，昨日(14日)已經有小量資金食咗糊，但更多買咗CALL嘅投資者想「放長線釣大魚」，所以今早(15日)都只係好小量資金獲利，其他繼續持貨希望上望更高水平，始終炒減息只係剛開始。
佢又話，領展產品選擇唔多，行使價44元至45元，年期方面有兩個選擇，明年2月或6月底到期，後者較受歡迎。
