【now.com財經】噚日喺【輪證下半Part】揀咗隻恒指牛(50383)出嚟，計劃等指數於小時圖上落返去保歷加通道底線時，同時保歷加通道口仍然保持平衡之下，借Slow STC(14.3)繼續觸底向上而手。
按噚日出文時間1點28分，如常的on top加多10分鐘作為睇文時間，即係1點38分時再睇返恒指走勢圖，其實恒指已經喺上半場11點至12點呢個位再一次踩到小時圖嘅保歷加底線，喺下半場開市之後見指數向上抽高，同步亦見Slow STC(14.3)兩線出觸底，換言之，喺睇完文之後見到個小時圖開始出觸底回升嘅Swing，(50383)可以出場。
如常的用10分鐘作為買貨時間，即於1點40分至1點50分期間買隻(50383)，期內高低位做過0.051元/0.049元，平均買入價為0.05元。
落場後指數喺2點至3點呢個鐘都仲見到未破得到小時圖條中軸線，但喺五分鐘圖上見指數開始反方向上緊，啲「圓底」頸線重新再次挑戰番。去到最後一個鐘就精彩囉，都唔知邊個吹咩風吹到個市升咗成個鐘，去到尾段更見重新16,800點樓上。而換個小時圖則見指數企喺中軸樓上兼高位頂住保歷加頂線；咦，問題嚟啦，同步保歷加都係未見拓闊架喎，要博過夜就視乎返你手上嗰注有幾大注。
以呢個欄向來都係Day Trade為主，又一貫作風唔失線嘅話，完場前10分鐘走貨，按此計3點50分至4點走隻(50383)的話，期內高低位做過0.07元/0.069元，即平均沽貨價為0.0695元，一計之下呢一趟平均獲利19.5格或39%。
望望月曆，唔好以為今日係2月最後一日，今年係有2月29日架，所以今日先至係期指結算日，唔係噚日呀；同步今日波叔會公布新一份《財政預算案》，派唔派糖、減幾多辣11點打後就會知，但向來喺呢啲日子(包括埋《施政報告》)，指數都比較例悶，主要都係因為大家都留意住政府要將個風點吹啫。
依家9點50分，恒指開市半小時未到，又已經轉燈轉咗好幾次，但由於喺今朝完U之後，喺作戰室同戰友們一齊由五分鐘圖睇到小時圖，都見到條Slow STC(14.3)處超買位嘅同時，保歷加通道口都唔見有明顯拓闊，所以作戰室裡頭淡倉沉著應戰中。
至於喺呢度，如常用返小時圖做Trade的話，喺今朝第一粒燭見指數都係頂線168XX點呢個頂線水平，等到10點打後都仲係見指數低走於該線，少少隱憂嘅係小時圖Slow STC(14.3)未見轉向。
呢啲位淡倉比出其實都只係博小時圖唔過頂線 + 於稍後時間 Slow STC(14.3)可以確認得到轉向，恒指熊(61798)，收回價17,200點，同現價有約410點距離，槓桿有約33.57倍，佛系注借小時圖頂線唔過而出嘅話，希望見到中軸位啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
