【now.com財經】噚日有睇過隻騰訊(00700)，皆因日線圖上見佢落保歷加通道底線同「低斜度嘅上升通道底線」，諗住股價都可能會有少少支持掛，所以諗住等喺收市前最後10分鐘睇下佢五分鐘圖嘅Slow STC(14.3)有無出觸底，如見就出隻打靶都唔肉赤嘅好倉掟出去，過夜博一博睇下有無裂口可以食得到。
不過今朝指數開市裂口向下跌86點，開市報17,653點，雖然向下跌100點都唔夠，但係指數開喺呢個位亦都等於同開喺牛證第一層街貨位置。正當作戰室Plan定淡倉出動嘅時候，指數甫開市即出低開高走，但咁啱都係上返去17,80X點，即同噚日兩次上到17,80X點後見上影線遇阻，如果者呢個位算是第三次唔過向下回。作戰室淡倉空群而出，同步以爬格仔嘅速度喺Chok到爆嘅市裡面完成今朝嘅格仔注。
喺作戰室喧鬧完一輪之後，望望鐘已經係10點半嘅事，小時圖上其實見指數仍然都係被堆平均線Kick住，不過Slow STC(14.3)兩線終於都向下，形態有似「圓頂」出現且重新落返去頸線水平。
其實一早喺作戰室Mark埋7月11日嘅上升通道位置，的確有諗住佢會好「順灘」地向下落到裂口位，皆因牛證喺17,500至17,599點見有過千張期指街貨喺度，的確係好貪心地諗住個市同樣都係咁貪心而向下殺。
再望鐘依家10點36分，暫時見小時圖都仲未有異樣，揀定隻恒指熊(64227)，收回價18,100點，比18,000點再高多100點嚟做緩衝，槓桿有約41.2倍夠做Day Trade，同現價亦都有約395點嘅，過到線先至掟出去，睇下貪唔貪到個裂口返嚟。
唔得嘅話，咪用返五分鐘圖Slow STC(14.3)做一趟Swing Trade收工囉。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
