【Now財經台】中芯國際(00981)上周公布業績後股價造好，上周五(9日)一度重上17元，但今朝(12日)暫時仍要跟大市調整，喺20天線爭持，中芯業績後股價波動，成交活躍嘅CALL，行使價約21元，價外30%，會唔會太遠價？
中信里昂股權衍生品銷售經理李佳原指，暫時市場上未有合適嘅貼價條款，但由於中芯股價較為波動，因此，現時價外幅度30%嘅條款仍適合做部署。
Sam又提醒投資者要留意對沖值，熱門中芯CALL對沖值仍有0.2以上，適合做短中線部署，雖然引伸波幅喺業績後出現波動，但變化唔算太大，加上市場滿意業績，亦睇好中芯收入會受惠於近期電子消費增加，將會利好集團定單表現。
