【Now財經台】截至早上11時止，1小時內《彭博》用戶搜尋量最多港股，依次為新世界發展(00017)、中國人壽(02628)、中銀香港(02388)、比亞迪股份(01211)及萬科企業(02202)。
市傳華潤隆地出價90億元洽購新世界旗下K11 Art Mall，新世界股價今早(30日)一度高見7.99元，炒高3.6%，跑贏同業，公司最新又話，過去兩個月完成逾160億元貸款安排及債務償還，集團積極減債，又有減息憧憬，對股價有冇幫助？
大華繼顯執行董事梁偉源指，過去幾個月，新世界努力做債務重組，有出售資產及進行再融資計劃，減債進度亦唔錯，不過，公司負債比率始終較高，減債後債務仍比同業多，需進一步減債。
佢又話，若成功出售K11 Art Mall，對公司債務問題會有明顯幫助，未來要留意出售進度，一旦事成，將會對股價有支持，新世界現價已反映減債動作，若要突破8元關口，需落實更多減債計劃。
