【Now財經台】小鵬汽車(09868)周二(27日)公布純電動車MONA M03售價，MONA M03上市僅48小時已收到逾3萬架嘅定單，有大行指，由於新車價格較平，可能會影響小鵬收入。據集團財報顯示，上半年仍要蝕錢，毛利率13.5%，擔唔擔心新車會令毛利率受壓？
亨達財富管理董事總經理姚浩然估計，小鵬仍會蝕錢，原因係集團有沉沒成本(Sunk cost)，要賣到一定數量嘅車先可以回本，所以繼續要蝕錢，由於毛利率低導致集團賺錢能力較差，若要盈利明顯改善及提升毛利率，估計小鵬交付量要大增至約10萬架，否則，公司仍難「止血」。
