【Now財經台】新高教集團(02001)出咗全年業績後，股價今日(29日)暴跌兼創上市新低，一度急瀉近50%，低見0.95元，暫時成交金額約1億元。
新高教全年收入及經調整淨利潤，分別按年升近14%及6%，但毛利率跌1.7個百分點，不過，真正引發股價暴跌嘅原因應該同派息政策有關，公司宣布派末期息23.3分人仔，雖然全年計派息同2023年差唔多，但公司建議以發新股支付，造成一手碎股，令股份今日捱沽。
股價插水兼創上市新低，若以高位計，股價已大冧近90%，原本2元水平係長期支持位，依家一下子慘變毫子股，想重返蚊股行列難度好高。
