【Now財經台】針對美國就對華出口晶片技術再「加辣」，商務部出招反制，即日起禁止部分半導體原材料出口到美國，消息刺激資源股中國石墨(02237)股價今早(4日)高開逾13%，其後升幅一度擴大至逾53%，高見0.56元，成交較過去100日平均激增約140倍，成交金額逾1900萬元。
今次嘅反制措施可能令石墨供需再出現變化，市場憧憬石墨價格向上，中信証券都睇好相關資源嘅戰略地位提升，刺激股價今日爆升。雖然中國石墨股價今日狂飆，但暫時仲未挑戰到5月高位，而喺高位有明顯獲利情況，相對強弱指數(RSI)已升至超買水平，要留意今日呢浸升勢可以維持到幾耐。
