【Now財經台】阜博集團(03738)股價今朝(9日)輕微高開後，好快已掉頭向下，更插水式下滑，一度急瀉近33%，低見2.24元，跌至3個月低位，之後跌幅略為收窄，成交股數較過去100日同時段平均增9倍。
阜博2024年上半年業績理想，按年多賺逾40%，下半年更扭虧為盈，收入及毛利率亦有改善，集團股價去年跑贏大市，累升逾50%，上季更借人工智能(AI)及軟件即服務(SaaS)概念大幅炒上，股價上季累升70%。
阜博股價今日急瀉，但同業如微盟集團(02013)及有贊(08083)未見異動，明顯係同公司自身因素有關，未來要留意有冇消息跟尾，阜博今日喺大成交下急挫，已失守100天線，落到去年10月初水平，後市要睇住下方250天線嘅支持力度夠唔夠。
