【Now財經台】美國總統特朗普(Donald Trump)行事作風經常估佢唔到,今早(22日)終於向中國開出第1槍,話正研究下個月向中國貨品加10%關稅的可能性,離岸人民幣即時向下,返近7.29兌1美元,雖然美國加中國關稅已經係市場共識,問題只係加幾多,人民幣未來會點走?
獨立外匯商品分析師盧楚仁指,人民銀行唔會樂見人仔大幅貶值,但循序漸進貶值就無可避免,無論加唔加關稅,由於美元持續強勢,包括人仔在內嘅非美貨幣,基本上都同步受壓,包括有加息壓力嘅日圓。
不過,Jasper估計,特朗普唔止加中國10%關稅,只會愈加愈多,佢認為,人仔反彈已初步見頂,唔排除之後因特朗普加關稅或美元強勢,人仔會試7.37,甚至7.4水平,除非中美談判成功,美國唔加中國關稅,否則,人仔將會持續弱勢。