【Now財經台】洛陽鉬業(03993)股價今早(4日)高開逾1%後，升幅逐步擴大，午後更顯著抽高，最多升近7%，高見6.08元，收市報6.02元，仍升5.8%，成交金額逾2億元。
中國今日宣布向鎢、鉬等合金類金屬實施出口管制，而洛鉬主業正正包括鎢、鉬，雖然兩者佔公司整體收入僅約3.7%，但市場仍趁機炒作，炒起公司股價。其實洛鉬基本面唔差，上月底曾發盈喜，主要受惠於銅、鈷產銷大增，加上銅產品價格升，降本增效措施等，預期2024年多賺最多72%至142億人仔。
技術走勢方面，洛鉬股價今年初開始穩步向上，發完盈喜後，已多次上試6元水平，依家距離100天線仲有啲距離，後市要留意企唔企得穩，先可以評估升勢係咪可以延續。
