【Now財經台】硬蛋創新(00400)股價今早(10日)平開後，一度升5.6%，高見1.49元，衝上約3個月高位，成交股數較過去100日平均增1.7倍。
港股愈升愈有，唔少公司趁機「抽水」，硬蛋創新都唔例外，公司今日開市前宣布，折讓7.8%，配股價1.3元，配售2.5億萬股，集資約3.25億元，今次配股規模都唔細，佔擴大後股本逾15%，集資主要用嚟贖回旗下附屬科通技術嘅股份。
睇返技術走勢，硬蛋唔聲唔聲咁升上去，暫時已上返去年11月嘅平台區，成交亦配合，但公司業務多年嚟都冇乜突破，收入及盈利長期維持喺差唔多水平，如果股價要再上，相信要有更多消息配合。
