【Now財經台】萬科企業(02202)獲主要股東深圳地鐵集團提供最多28億人仔貸款，呢筆貸款會用嚟還債券本金及利息。不過，萬科今年到期嘅公開債券金額逾300億人仔，其中，有近100億人仔會喺今季到期，深鐵集團嘅貸款似乎幫助有限，萬科債務壓力到底有幾大？
信達國際研究部董事趙晞文指，雖然呢28億人仔貸款唔可以應對所有問題，但都幫到萬科紓緩一啲短期壓力，加上中央對優質房企態度較溫和，唔想出現大規模違約，所以都會給予支持。
晞文續指，國企同民企背景唔同，萬科有機會同債權人傾掂數，將「新債冚舊債」，如果咁做就可以延長債務期限，未來面對嘅壓力亦會相對較小。
