【Now財經台】港交所(00388)股價1月中以後反覆向上，並企穩300元以上水平，如果繼續睇好股價表現，係咪可以部署好倉？不過，熱門牛證槓桿好分化，介乎2至13倍，收回價擺咩位較值博？
法興銀行證券上市產品銷售部董事周翰宏指，港交所股價表現同大市成交有直接關係，近期大市交投旺，喺成交顯著增加下，帶動港交所挑戰高位，走勢更進一步轉強，短期上升動力充足，佢建議用CALL輪做部署較合適。
Horace又話，如果投資者想做中線部署，又擔心時間值損耗及股價短期出現調整，用CALL輪做部署可能會輸少少時間值，喺呢個情況下用牛證會比較好，可以考慮收回價300元樓下條款，同現價有10%距離，呢類牛證比較穩陣，槓桿7至9倍。
此外，如果想用CALL輪捉短期上升動力，可以考慮今年5至6月到期的條款，行使價介乎370至385元，槓桿7至8倍。
