【Now財經台】截至早上11時止，1小時內《彭博》搜尋量最多港股，依次為長和(00001)、快手(01024)、金蝶國際(00268)、極兔速遞(01519)、騰訊控股(00700)。
快手推出嘅視像大模型「可靈」被內地官員點名，認為評價已超越新生成式人工智能(Generative AI)工具Sora，「可靈」最新數據靚仔，1月全球訪問用戶數目按月急增逾1.1倍，有冇機會帶挈估值向上？
椽盛資本投資總監曾永堅指，快手股價今日(6日)大升，明顯見到有資金流入，相信係為估值上調做部署，新年商品交易總額(GMV)數據亮麗，反映「可靈」嘅用戶數目、變現能力正加快上升，配合現時熱炒嘅AI概念，所以睇好快手前景。
Jasper又話，市場憧憬將人數瀏覽、用戶業務更多應用喺AI範疇，快手股價喺估值重估推動下，短線有機會上試去年高位，即61.75元水平。
