【Now財經台】藥明康德(02359)昨日(17日)收市後出咗業績，股價今日(18日)一度高見76元，勁升16%，但相關衍生工具選擇唔多，反而下周二(25日)出業績，同系嘅藥明生物(02269)CALL輪有較多選擇，有行使價28.8元，8倍槓桿嘅末日CALL，係咪可以用嚟短炒業績？還是揀返3倍槓桿，年中到期嘅條款較好？
胤源世創家族辦公室(香港)第一副總裁黃偉豪指，好倉可以揀進取啲嘅選擇，末日CALL都可以，因為近期強勢，可以借市場氣氛再推高股價，亦可炒業績因素。
不過，Ravi提醒，始終只有約10日就到期，時間損耗快，所以揀呢類CALL需控制注碼，小注博短線有較高回報，長期身少少嘅CALL好處係時間損耗慢，但槓桿只得3倍唔算吸引。Ravi又指，對藥明生物中線睇法審慎，建議短期用以小博大策略較好。
