【Now財經台】華潤啤酒(00291)今日(18日)中午派咗去年成績表，全年少賺8%，差過預期，營業額按年跌唔夠1%，但末期息仍增加10%。如果拆開上下半年睇，去年下半年賺得少過上半年，不過，高端市場做得唔錯，毛利率前景係咪仍然樂觀？
天風國際證券經紀業務部董事李偉傑指，去年營業額386億人仔，去年上半年237億人仔，下半年只有149億人仔，全年賺47.39億人仔，去年上半年賺47億人仔，即係下半年白做，兩條數都係差。不過，如果睇埋細數呢份業績仍算過到關，只係盈利增速有少少放慢。
Jason續指，啤酒如喜力(Heineken)嘅消費群好穩定，旗下新品牌「老雪」、「紅爵」銷量翻倍，可以搶到更大市佔率，未來只要高端啤酒嘅市佔率keep到，毛利率就可以維持。
