【Now財經台】截至早上11時止，過去1小時內《彭博》用戶搜尋量最多港股，依次為比亞迪股份(01211)、長實集團(01113)、中國移動(00941)、同程旅行(00780)及高偉電子(01415)。
比亞迪今晚(21日)會舉行「騰勢N9上市科技之夜」，預期會接入阿里巴巴(09988)嘅阿里雲模型，比亞迪下周一(24日)就會放榜，但股價喺業績前急挫，到底有咩啟示？
大華繼顯執行董事梁偉源相信，今晚嘅發布會一定係矚目，因為市場關注公司嘅發展，比亞迪接入阿里雲計算及智能駕駛，好大機會帶動比亞迪喺車價相若嘅汽款銷售中跑出。
股價方面，佢認為，比亞迪股價短線已經升咗好多，所以出現獲利回套情況，另一方面，市傳歐盟調查比亞迪匈牙利工廠嘅補貼問題，呢個有機會成為比亞迪被沽落嚟嘅藉口。
Steven又話，比亞迪基本因素仍然理想，加上又推出新車及新高效能電池，雖然股價今日大冧，但投資者可以趁機買入。
