【期匯決算】金價有力衝2000美元

【Now財經台】兔年係婚嫁好年，加上內地及香港防疫限制近乎「清零」，估計會有唔少人結婚擺酒，繼而帶動金飾需求，金價噚日見過每盎司1936美元，現貨金價企穩1930美元水平，金價之前衝上8個月高位，主要受美元下跌及部分避險需求帶動，金價後市會受咩因素影響？

英皇期貨營業部總裁葉佩蘭指，美元對金價嘅影響最直接，由於市場預期聯儲局下月加息幅度收窄，估計加息周期今年會完結，資金應該會吸納返黃金，但暫時仍未見到有大量熱錢流入金市。

Fion認為，如果環球央行繼續大手買掃黃金，金價向上嘅動力會大啲，金價已升穿1900美元阻力，若企得穩，後市留意可唔可以衝上2000美元。