【名家給力場】內地今年經濟增長「坐5望6」？

【Now財經台】內地經濟復甦速度比市場預期快，日前公布嘅製造業採購經理指數(PMI)升至10年高位，帶挈港股3月開局飆逾800點，全國「兩會」聽日就會開幕，綜合市場消息及估計，內地今年經濟增長目標將會定喺5%至6%，但美國加息周期仍未完結，內地GPD增長真係可以達6%？

冠域商業及經濟研究中心主任關焯照估計，內地GDP增長目標最高定喺5.5%，雖然經濟已逐步重返疫情前，民眾消費模式及習慣都逐漸「復常」，甚至出現報復式消費，令經濟加快增長，不過，美國持續加息或令經濟陷入衰退，一旦出現呢個情況，內地經濟都會受到拖累，佢認為將經濟增長目標定喺6%係太進取。