【專家分析】歐美銀行業炸彈已拆？

【Now財經台】聯儲局會喺本港時間今晚凌晨公布議息結果，喺結果出爐前，市場風險胃納有改善，有「恐慌指數」之稱嘅VIX大跌，銀行股就持續反彈，喺全球主要央行及金融監管機構連番出手下，市場信心似乎好轉咗，今次銀行業危機係咪已屆尾聲？

潤淼資產管理董事盧志威指，地區性銀行嘅存款額佔整個美國銀行體系唔多，只要央行短時間內向呢啲中小銀行提供流動性，相信爆煲風險唔大。歐洲方面，瑞信有瑞銀出手打救，問題已暫時解決，雖然收購後額外一級資本債券(AT1)變晒廢紙，一度令市場恐慌，但AT1持有人最終有機會得到賠償，所以整體嚟講唔會構成系統性風險。

William又話，只要聯署局加息步伐唔好咁急，令資產價格回升，基本上可以化解銀行業危機，而加息周期已去到中後階段，所以解決時機已經好近。