【專家分析】電動車板塊減價戰會持續

【Now財經台】昨日(23日)美股收市後Tesla公布首季業績，純利、收入、汽車毛利率均下跌及遜預期，創辦人馬斯克(Elon Musk)指，新車投產時間會提早至今年年底或明年初，更會以平價出售新車，呢個消息抵銷純利下跌負面因素，帶動股價喺延長交易時段大升逾10%，仲有冇其他好處？此外，Tesla競爭對手比亞迪(01211)及小米集團(01810)均有推平車，持續減價戰有機會令賣車利潤歸零，點解都仲要鬥平咁賣車？

潤淼資產管理董事盧志威指，因為要推平車，Tesla有用機械人加速自動化生產，令成本更平，加上推行自動駕駛同無人駕駛的士(Tesla Robotaxi)，令業務拓展至人工智能(AI)、大數據(Big Data)方向，對股價會有幫助。

William續指，依家行業處於整合，減價戰會淘汰現金流歸零嘅車企，因為未來啲車價趨勢都係向下，就睇喺環境差時，邊個車廠搶到市佔率。