【專家分析】玩美股要Sell in May？

【Now財經台】美股5月開局麻麻，美股3大指數隔晚(1日)只得道指微升，晶片股顯著回套，其中，超微電腦(AMD)及英偉達(Nvidia)更成拖低標普500指數「元兇」。

傳統智慧話要「Sell in May」，主要因為季績期後至10月前，通常市況較淡靜。不過，據統計顯示，標指喺5月至10月其實升多跌少，過去10年平均回報4%，玩美股嘅投資者今個月要點部署？

高富金融集團投資總監梁偉民就認為，標指欠缺動力重上5100點水平嘅橫行區，預期未來兩個月將持續受壓，但唔會延續4月時大跌約4%嘅情況。Wyman續指，近日比特幣(Bitcoin)價格大幅回落，反映市場規避風險(risk-off)情緒高漲，會對美股構成負面影響。