【名家給力場】知乎小股東售股變現「好過冇」
【分析】 2024/07/22 16:48
![](/CMS_images/NewsImageBig/FIN-BNC-GEILIA-240722-1315.jpg)
【Now財經台】知乎(02390)提出有條件自願回購,最多逾4690萬股A類普通股,佔已發行總股數近16%,每股現金要約價9.11元,較上周五(19日)收市價有7%溢價,較截至去年底止每股資產淨值(NAV)折讓47%,今次係咪小股東一個變現嘅好機會?始終股份平時交投疏落,除咗本港小股東,美國存託股投資者都可以接受要約,值得留意係,接受現金要約小股東有機會成手碎股,應唔應該接受?
《香港股票財技密碼》作者梁杰文指,由於知乎現價低過回購價,估計大部分股東會接受要約,但喺供過於求下,最終只會按比例收返小股東嘅股份,計及今次回購涉及股數及已發行股本,比例約七分之一。佢估計,若小股東交返1000股畀知乎,當中最多六分之一嘅股份先可以成功賣出。
Mike續指,對小股東嚟講,雖然溢價唔係特別高,對現價冇好大嘅刺激作用,但如果小股東唔接受,而其他大戶接受要約,小股東就會「蝕底」,因為小股東擁有嘅七分之一股份,係唔可以高於市價沽出,所以對小股東而言,今次回購其實相當「雞肋」。
![]() | 梁杰文 《香港股票財技密碼》作者 |