【專家分析】納指短期彈唔起原因係...

【Now財經台】美股持續波動，科技股未止跌，拖累納指連跌第3日，市場對美國經濟前景憂慮加劇，加上美國總統大選不確定性增加，投資者開始拋售估值高嘅「科技7雄」(Magnificent Seven)，昨晚「7雄」中有6隻要跌。值得留意係，依家納指100已較前高位回調近10%，而2023年急升後回調逾10%，之後就重拾升勢，今次會唔會出現相同情況？

博威環球證券金融首席分析師聶振邦指，納指喺前兩次業績期都出現過喺低位反彈嘅情況，原因係美元偏強，加上持續有利好消息，令納指反彈可以持續得比較耐，不過，今次由於Netflix及Tesla出完業績股價都要跌，主要係市場普遍唔睇好今季業務前景，所以唔好對納指可以反彈有太大期望。

聶Sir又話，短線而言，科技股有機會持續走弱，估計資金會流入美債，10年期債息倒掛幅度都持續收窄。