【專家分析】李偉傑:對港股牛市重臨冇太大期望

【Now財經台】昨日(9日)召開嘅中央政治局會議，釋出嘅政策訊號超乎市場預期，其中，當局相隔14年再度重提「適度寬鬆」，惹嚟市場關注，有大行更形容「適度寬鬆」是史上最進取嘅態度，喺中央表明加大「放水」力度穩股樓下，港股牛市會唔會重臨？

華盛證券財富管理部董事李偉傑坦言，對港股牛市重臨冇太大期望，但認為恒生指數喺低位有反彈動力，港股昨日飆逾500點後，今朝(10日)曾再衝高逾650點，但之後升幅不斷收窄，午後更倒跌。

不過，A股走勢就冇咁Chok，滬深幾大主要指數今日都有得升，相信係觀望緊明日(11日)召開嘅中央經濟工作會議，睇下到時有咩政策細節公布。

Jason認為，中長線而言，寬鬆貨幣政策對港股及A股都有幫助，又預期港股明年走勢將逐漸好轉。