【專家分析】沽Nvidia換馬博通？

【Now財經台】晶片股博通(Broadcom)交到靚業績之餘，公司又睇好今季人工智能(AI)產品銷售前景，刺激股價上周五(13日)收市勁升24%，市值更首次衝破1萬億美元，令美股又多1隻萬億美元市值股份，係咪應該沽英偉達(Nvidia)換馬博通，因為股份只係啱啱開始發力？

潤淼資產管理董事盧志威表示，Nvidia係一家早已交出成績嘅公司，亦係一個潮流，公司靠技術成為行業龍頭，博通就係客製化晶片(ASIC)，要衡量兩者有幾大差距，值唔值得畀一個溢價Nvidia，呢個就係佢哋「蹺蹺板效應」嘅分別。

William又話，依家市場非常睇好博通未來3至5年前景，仲可以搶佔到Nvidia嘅市場，單係呢個因素都足以可以炒一輪，所以預期未來落博通嘅資金應該唔少，所以睇好博通股價可以繼續上。