【期匯決算】Yen或見160 但唔使睇得太淡

【Now財經台】日本央行宣布維持利率不變，美元兌日圓升穿155水平，到底日央行幾時會出手？下個月加息機會有幾大？

亨達集團助理總經理羅明立表示，由於日本通脹升得慢，所以日央行唔可以每次議息都宣布加息，如果經濟及通脹走勢同預期一致，日央行就會繼續加息。佢又認為，日央行會繼續貨幣政策正常化，但由於有好多不確定性，令日央行唔敢太進取，但佢估計，明年1月好大機會加息，但幅度唔會好大。

日圓方面，Patrick指出，喺美元持續強勢下，日圓將繼續受壓，日圓有機會見160，但亦唔使睇得太淡。