【FINTERVIEW】梁偉民:日央行下月未必會加息

【Now財經台】日本央行昨日(19日)議息後宣布按兵不動，不過，行長植田和男之前講過，如果經濟及物價走勢符合預期就會加息。當地最新爐嘅11月消費物價指數(CPI)升2.7%，超預期，係咪意味明年1月加息嘅機會大咗？

高富金融集團投資總監梁偉民指，雖然日本通脹回升，但仍算溫和，事實上，通脹唔係日央行加唔加息嘅主要考慮，主要係睇利率可唔可以重返正常水平，因為之前實施負利率及零息政策一段長時間，日央行希望利率逐步正常化，而當通脹及經濟情況容許時，日央行就會考慮加息。

不過，Wyman認為，日央行明年1月未必會加息，首先，加息會再引發通縮問題，其次係全球經濟唔理想，明年仲有關稅等不確定因素，相信日央行會先觀望美國總統當選人特朗普(Donald Trump)上場後嘅政策走向，再作出決定。