【名家給力場】聯儲局向特朗普發「警示」

【Now財經台】據聯儲局最新「點陣圖」顯示，美國明年有可能只減息兩次，每次0.25厘，即時震散美股，當晚道指急瀉逾點，但昨晚(19日)已經喘定，收市升15點，扭轉連跌10個交易日嘅劣勢，係咪反映市場已消化聯儲局或放慢減息步伐呢個消息？

冠域商業及經濟研究中心主任關焯照指，市場已消化咗部分有關減息嘅消息，美股今輪調整嚟得比預期快，佢認為，美股之後大升嘅機會唔高，始終嚟緊仲有好數據，都會影響整體大市表現，包括今晚(20日)出爐嘅核心個人消費支出(PCE)，如果數據超預期，相信美股仍有下調壓力。

關博士又指，「點陣圖」其實係向特朗普(Donald Trump)發警示，暗示佢要重新審視加息嘅諗法，今次只係釋出局方明年有機會放慢減息步伐，市場已經咁大反應，而特朗普一向好重視美股表現，若聯儲局加息有機會拖冧美股，呢個亦係局方「放鷹」嘅原因之一。