【FINTERVIEW】美股暫脫險但要睇實...(下)

【Now財經台】日前傳出美國總統特朗普(Donald Trump)考慮下調對華關稅，由145%大幅降至介乎50%至65%，又突然改口話唔會炒聯儲局主席鮑威爾(Jerome Powell)，呢啲消息刺激美股3連升，俗稱「恐慌指數」嘅VIX進一步回落至26水平，美股市況係咪已經回穩？

臻享顧問董事總經理王良享指，特朗普暫緩「對等關稅」(Reciprocal Tariff)90日，係因為美債息喺3日內升咗50點子，早前美股債齊插水，導致唔少國家掟美債。

Tommy認為，市況最差嘅情況暫時已經過去，但要繼續留意美國未來2個月嘅通脹會唔會爆表，如果通脹爆表，導致聯儲局堅持今年只減息1次，甚至唔減息，到時美股及美債會繼續受壓。