【名家給力場】關焯照:美股已去返「安全地帶」

【Now財經台】美股幾乎重返4月初特朗普(Donald Trump)政府公布關稅詳情嘅水平，雖然市場對中美關稅談判有唔同揣測，但近期嘅消息明顯紓緩投資市場對關税戰持續惡化嘅憂慮，而特朗普近期嘅態度，似乎反映佢喺關稅問題上有軟化跡象。此外，據《彭博》最新報道，中國考慮豁免部分美國進口貨反制關稅，包括醫療設備、乙烷等化工原料，睇返關稅戰最新發展，再睇埋美股3大指數近日走勢，美股係咪已經脫險？

冠域商業及經濟研究中心主任關焯照指，其實中美「一刀切」只會令雙方利益受損，佢相信中美會進行貿易談判，而呢類消息可大大紓緩市場恐慌情緒。

值得留意係，美股幾個主要指數如納指、羅素2000及標指，最少連續兩日企喺20天線樓上，已經去返一個比較安全嘅地帶，佢又認為美股會慢慢回穩。