【專家分析】陳偉聰:美股可維持破頂勢頭

【Now財經台】繼美日菲達成貿易協議後，市傳美國及歐盟亦好快傾掂數，刺激美股昨晚(23日)大升，道指收市升逾500點，納指及標指就雙雙破頂。據LSEG最新數據顯示，分析師普遍預期，標指成分股第2季純利按年增長7.5%，主要由市值高嘅科技股帶動，公司業績樂觀，加上關稅又陸續有好消息，美股係咪可以繼續上衝？

東亞證券高級投資策略師陳偉聰認為，關稅拹議進展樂觀，美國已經同東南亞、英國傾掂數，而美日嘅15%關稅對美歐談判有參考價值，加上歐盟之前提及嘅反制措施，會迫使美國作出讓步，因此，預期美國同其他主要貿易伙伴達成貿易拹議嘅機會好大。

Jason又指，公司業績方面，由於4月至5月受關稅戰影響，市場對美企第2季業績嘅盈利預測較保守，即使之後傳嚟關稅進入「休戰期」呢啲利好消息，整體上調幅度都唔會太大。佢又估計，美股將會維持破頂勢頭。