【專家分析】藥明康德TIDES業務增長要睇...

【Now財經台】藥明康德(02359)上半年收入按年增長20%，符合盈喜指引，純利則按年增長95%，而被視為重要增長動力嘅TIDES業務，上半年收入增速維持1.4倍，帶動化學業務收入增長33%，毛利率就擴大至48.3%。根據公司收入指引，TIDES業務下半年增速keep唔keep到？

信達國際研究部董事趙晞文指，公司對TIDES嘅全年收入增長指引只係50%，所以市場會更留意在手定單係咪維持約50%嘅高速增長，展望下半年收入增速可以遠超公司指引。

晞文續指，未來重點會落喺在手定單係咪可以再提速，因為在手定單係用作未來幾年嘅收入倉庫，所以佢建議，投資者要留意嚟緊幾個季度，當在手定單增長維持高速，相信未來兩三年嘅TIDES業務收入佔比可進一步提升，慢慢靠近40%至50%水平。