【名家給力場】美9月減唔減息要睇核心PCE

【Now財經台】美國聯儲局一如預期繼續唔減息，市場開始關注9月會唔會開始減息，議息前，據利率期貨顯示，9月減息機會約60%，但議息後跌至45%，值得留意係，聯儲局主席鮑威爾(Jerome Powell)議息後發表嘅言論，似乎想淡化9月嘅預期，到底下次議息時，減息機會有幾大？

臻享顧問董事總經理王良享表示，9月減息唔係完全冇可能，雖然減息機會僅45%，係近幾個月以嚟最低，但睇返通脹數據，過去幾個月核心個人消費支出(PCE)介乎2.6%至2.7%，對等關稅(Reciprocal Tariff)因之前定下暫緩期，8月先會執行，市場可能擔心通脹喺下個月會唔會突然升溫，但要留意埋服務業通脹，其實過去半年都持續下滑。

Tommy補充，若8月核心PCE低於3%，聯儲局仍有機會減息，如果想穩陣啲，可能要睇埋7月至9月嘅平均數據，如果都唔超過3%，減息機會仍然存在，始終聯儲局嘅立場年初到依家都冇變，認為利率水平仍有限制性。