【槓桿致勝】恒指牛熊證擺位宜喺...

【Now財經台】港股昨日(4日)反彈，恒生指數升逾200點，好倉即時食糊，有約123萬元資金流出，5日合計，有約2.45億元坐貨，淡倉資金就轉為淨流入，昨日流入約8450萬元，5日合計，有約8700萬元資金離場。

牛證重貨區集中喺24300至24000點，最多人減倉係24300點，最多人加倉係是24000點。至於熊證重貨區就喺25100及25300點。

好淡友都揀得比較貼，大市今早(5日)反覆牛皮，但恒指跌唔落，大市會唔會唞一唞再彈過，好淡友應該點擺位？

胤源世創家族辦公室(香港)第一副總裁黃偉豪指，港股近期開始出現整固，都係一個正常調整，暫時都係偏向一個上落格局，擺位方面，如果坐過夜，收回價宜擺遠少少，短期支持位睇50天線，如果企得穩未必有太大下跌空間，而25200及25300點應該係下一個短期阻力，不論牛證或熊證，擺位宜喺25200及25300點以上或以下。