【息賺】買樓收租會好過做定存？

【Now財經台】今年全球央行對息口都有唔同取態及動作，減息減得最多係加拿大，澳洲就因為通脹落唔到繼續按兵不動，但日本央行就加息。今個星期美國、英國及日本都會議息，其中，市場預期，聯儲局本周將會減息0.25厘，展望明年，美息又會點走？對本港樓市會有咩影響？

成家網上投資課程導師徐冠鴻指，相信美國由今個月到明年，合共減息3至4次，又估計本港喺美國明年減咗第3次息後，明年底本港銀行嘅定存息約降至約3厘，首先，會令供樓人士可以唔用封頂息供樓，因為港銀跟美國減息，會令供樓息下降，有利樓市，其次係現時樓市租務回報率約4厘，相比定存息回落至約3厘，買樓收租會好過做定存，雖然唔會有好多人即時買樓，但將會有部分資金流入樓市，加上本港受地緣政治影響較小，所以預期將會有一定資金流入樓市。