【息賺】點解咁多人玩高息ETF？

【Now財經台】港股由低位回升，高息股亦表現突出，不過，高息交易所買賣基金(ETF)，即以股息收益為主要目標嘅ETF仍愈出愈多，投資者點解會吼高息ETF？
投資版專欄作家唐牛指，正正因為好多高息股表現已經好突出，例如內銀、電訊股等已經破晒頂，如果依家先入手正股，一來怕股價跌，二來息率未必好高，相反，高息ETF比較高息，加上ETF比個股波幅較細，所以有投資者會轉戰高息ETF。
唐牛又話，唔需要太在意高息ETF短期嘅波動，因為呢類高息ETF持倉多數以年嚟計算，好難期望會長升長有，始終息口變化同資金流轉向會令呢類ETF有唔同波動，但就毋須太過理會。